仲有咩想知？

自購寄倉係你自己落單、自己俾錢俾日本商家，我哋負責收貨、核對同集運。委託代購就係你揀貨、設定可接受超支金額，我哋日本團隊代你落單、代你俾錢，之後同樣負責集運。兩種包裹可以揀埋同一張合箱出貨單一齊出貨。

可以。喺日本網店揀好商品，貼商品連結落嚟，系統會盡量自動帶入商品名稱同圖片；讀唔到嘅你自己填商品名、單價同數量就得，唔會卡住等報價。

限時搶購代購即將推出。想預約或者查詢，可以 WhatsApp 我哋。到時都唔保證一定買到，因為商家唔一定有貨。

商品價以日圓計，按落單當刻嘅匯率換算做錢包幣別，匯率喺落單時鎖定，以付款時顯示為準。現時免代購服務費，你只需付商品價；之後嘅集運費另計，可以喺運費查詢試算。

JP CatchBuy 會提供詳細報價，包括商家配送費及回香港、澳門或去英國嘅集運費，收費透明。

透過平台預付錢包扣數；錢包用 FPS 轉數快或銀行轉帳充值。每筆扣款都有記錄；倉儲費、改派送差額會喺出貨前自動從錢包扣。貨到付款嘅貨，倉庫簽收代付時會從錢包扣除，錢包餘額不足倉庫會拒絕簽收。

退返平台錢包餘額：唔收手續費，餘額可以用嚟俾之後嘅商品同運費。

如要攞返去銀行戶口，可以用餘額提現：每筆收 HK$5 手續費。

詳情見退款及取消政策。

空運（AIR）速度快，適合趕住用嘅商品；船運（SEA）可以喺日本倉等埋其他貨一齊合箱，滿 20kg 起計，運費較平。未滿 20kg 你可以揀即刻按 20kg 出、繼續等集貨，或者改用空運。

用日本商家俾你嘅單號，喺快遞查詢揀返對應快遞公司就查到。貨一入倉我哋會即時通知你，之後嘅進度喺「我的包裹」睇。

商品售罄、買唔到嘅部分，會退款到你錢包。如果價錢超出你可接受嘅金額，或者網店另收運費，我哋會先問你：「同意」就按現況繼續採購（網店收運費就補付）；「不同意」就取消並退款。如果 72 小時內冇回覆，我哋會取消呢次採購並全額退款到你錢包。

登入 JP CatchBuy 帳戶即可查詢採購、入倉同集運進度；貨到日本倉、到香港倉、合箱計好運費、出貨同要補差額時，我哋都會電郵通知你。

貨到日本倉我哋會實物核對同拍照記錄。目前未有網上加購嘅保障附加費；貴重貨品想額外保障，請喺出貨前 WhatsApp 我哋查詢。

收貨地區同空運／船運喺委託代購「去付款」或自購寄倉新增時揀定。改空運／船運：入庫前可以自己喺「自購寄倉」免費改；入庫後喺「我的包裹」申請，倉庫改到先收 HKD30（併入下張合箱出貨單），改唔到唔收錢。改收貨地區請聯絡客服，已經產生嘅費用會另行計算。